فلسطينى

فلسطينى

اقولها وانا مقهور
'قالولك اسكت ما تحكيش
انت خلقت للتلطيش
للحواجز للمعابر للتفتيش
كتبوا علي جبينك ينداس
من الضابط للشاويش
فلسطيني
قالولك ممنوع تعيش

فلسطيني
ممنوع تثور
و مش مسموح تكون مقهور
اياك تطالب بحقك
اوعك بيوم تشوف النور

ممنوع تجدد هويه
ممنوع تجدد بسبور

فلسطيني
و بدك تتعلم
هاي الشغله ضد الدستور
فلسطيني لازم تتألم
من دون ما يشوفك دكتور

فلسطيني
ممنوع تتظلم
ولا يطلع بجناحك ريش
فلسطيني ممنوع تعيش

فلسطيني
بكل المطارات
اسمك بالاحمر مكتوب
وعلى شباك مصلحه الجوازات
كتبوا علي جبينك مطلوب
لازم تتوقف ساعات
مذنب او من دون ذنوب
فلسطينى

و يتوجه الك اتهامات
انك سبب كل الحروب
كأنو بسببك الحق مات
و العدل بأرضك مسلوب
و كأنك سبب النكسات
و كل ازمات الشعوب
و كأنو بسببك مجرم فات

على جنين بلحظه الغروب
و ذبح صبيان و بنات
و عجز على امرها مغلوب
مع انو الحقيقه ...
انا الي بالدنيا ضحيه

عملتوني ماده للغنى
و قضية للي ما عندو قضيه
انا الي راسي ما إنحنى
بوجه الريح القويه
انا الي شعبي صمد
في الضفه و بالرشيديه
وبغزة الابية
انا الي شعبي انتفض

و بحجر حارب دوريه

و اليوم و بكره و للابد
عنا كلمه وحده هي ..
فلسطيني وافتخر


فارس فلسطين











[ندعوك للتسجيل في المنتدى أو التعريف بنفسك لمعاينة هذه الصورة] فلسطينى

و يتوجه الك اتهامات
انك سبب كل الحروب
كأنو بسببك الحق مات
و العدل بأرضك مسلوب
و كأنك سبب النكسات
و كل ازمات الشعوب
و كأنو بسببك مجرم فات

مشكوور على الموضوع الجميل والرائع

وبارك الله فبك