المشبك البيتي وصل***من مطبخ بارادايس وبالصور

[ندعوك للتسجيل في المنتدى أو التعريف بنفسك لمعاينة هذه الصورة]

اخواتي الحبيبات جيبالكم
النهارده طريقه عمل المشبك وقرمش قرمش الله عليه عجبني فيه المقادير
الصغيره اللي ما شاء الله عملت مقدار كبيييييييييييييير من المشبك وكان
طريقته سهله يلا بينا نشوف هنعمله ازاي

المقادير:

150 جم دقيق=كوب دقيق +2 م صغيره دقيق

75 جم نشا =3\4 كوب نشا

1\2 ملعقه كبيره خميره فوريه

1\2 م كبيره سكر

1\2 م كبيره زيت

1\4 صغيره ملعقه ملح

حوالي من كوب الي كوب وربع ماء دافي(حسب الدقيق)

زعفران او لون غذائي(لاعطاء لون المشبك الطبيعي)

5 جم مستكه مطحونه(استغنيت عنها)

2 نقطه ماء زهر مركز (ممكن استتبداله ب 1\4 كوب ماء زهر مخفف علي ان يقلل مقدار ه من الماء الدافيء الخاص بالعجن)

الطريقه"
اول حاجه نعمل الشربات ونتركه يبرد حتي ننتهي من عمل المشبك

مقادير الشربات(2 كوب سكر +1 كوب ماء بمجرد الغليان عصير ليمونه )وبعد
ميتقل اطفي عليه واضيف له ذره فانيليا او نقطه ماء ورد او ماء زهر مركز
لتغزير النكهه والريحه

االمشبك

اضع الماء الدافي مع الخميره الفوريه والسكر والزيت واللون الغذائي(الاصفر)مع 2 نقطه من ماء الزهر المركز واقلبهم جيدا

ثم اضيفهم الي الدقيق المنخول والنشا والمستكه المطحونه واقلب جيدا للتاكد من تجانس الخليط

[ندعوك للتسجيل في المنتدى أو التعريف بنفسك لمعاينة هذه الصورة]

بعد المزج الجيد يصبح الخليط شبه سائل (بنتحكم في مقدار سيولته او تماسكه
بمقدار السوائل المضافه) اذا حبتيه اسمك قللي الربع كوبايه ماء انا حبيت
سمكه كده(شبه سيوله الكيكه قبل دخولها الفرن)

اتركها تخمر حوالي 20 دقيقه نصف ساعه

[ندعوك للتسجيل في المنتدى أو التعريف بنفسك لمعاينة هذه الصورة]

استخدمي اي اناء يكون فتحته رفيعه زي الزجاجه دي

[ندعوك للتسجيل في المنتدى أو التعريف بنفسك لمعاينة هذه الصورة]

او بكيس الكريمه باستخدام البلبله رفيعه الغير المنقوش(الساده)
زي اللي في الصوره اصغر واحده

[ندعوك للتسجيل في المنتدى أو التعريف بنفسك لمعاينة هذه الصورة]

او لوعندك عبوه مسترده او كاتشاب قديمه او حتي ببراد شاي بوزه رفيع

(اتصرفي يا شطوره انت بقي )

صبي العجينه جوه الزجاجه وابدا نزليها في زيت غزير ساخن علي هيئه دواير متداخله في بعض بس بسرعه لانها ستتماسك بسرعه

[ندعوك للتسجيل في المنتدى أو التعريف بنفسك لمعاينة هذه الصورة]

كل وجه بياخد حوالي دقيقه واقلبيها بسرعه تاخد لون ذهبي استمري لغايه ما المقدار كله يخلص معاكي

[ندعوك للتسجيل في المنتدى أو التعريف بنفسك لمعاينة هذه الصورة]

يطلع علي ورق مطبخ لامتصاص الزيت ثم اضعه في شربات تقيل بارد ويفضل اضافه بعض من عسل النحل للشربات

ثم يرص في طبق التقديم

وبكده عملتي مشبك مقرمش اخررررررررررررر لذاذه في بيتك وبايدك وشكله يفرح كمان وطعمه بقي حاجه تانيه خاااااااااااالص

وده الشكل النهائي للطبق

[ندعوك للتسجيل في المنتدى أو التعريف بنفسك لمعاينة هذه الصورة]

ودي صوره اقرب

[ندعوك للتسجيل في المنتدى أو التعريف بنفسك لمعاينة هذه الصورة]

يلا بقي نغوص في المشبك عن قرب[ندعوك للتسجيل في المنتدى أو التعريف بنفسك لمعاينة هذه الصورة]

اتفضلوا معانا يا حلويييين مدو ايدكم وقرمش قرمش يا عم الحاج[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

احلي حاجه بقي ان ميه الزهر بتديله طعم زي المشبك الجاهز تماااااااااااااااام

وممكن تعمليه بحجم اكبر بحجم الطاسه كلها ويطلع زي الحجم اللي بتشتريه

بس انا بحب الحاجه الصغنونه لان شكلها اشيك والطف في التقديم

ملحوظه: المشبك ده هش جدا ومقرمش علي الاخر يعني تسمعي القرمشه في كل قطمه بتكليها

لو بتحبيه طري استبدلي معلقتين نشا بملعقتين دقيق

يعني انت وذوقك تعمليه اكبر تعمليه اطري انت حرررره

اهم حاجه متنسنيش بدعوه حلوه وانت بتقرمش المقرمش[ندعوك للتسجيل في المنتدى أو التعريف بنفسك لمعاينة هذه الصورة]

اختكم وبحبكم في الله

والسلام عليكم ورحمه الله[ندعوك للتسجيل في المنتدى أو التعريف بنفسك لمعاينة هذه الصورة]

من: قلب الفتح: من بين الجرح النازف نصرح ونقول عاشت فتح عاشت عاشت

» طريقة عمل المشبك
» وردات الجلاش من مطبخ شيكولاته بيضاء