منتديات ملك الاحساس

منتديات ملك الاحساس

معلومات عنك انت متسجل الدخول بأسم {زائر}. آخر زيارة لك . لديك5مشاركة.
 
البوابةس .و .جمكتبة الصوربحـثالأعضاءالمجموعاتالتسجيلرفع الصورراديو الحرية        الرئيسيةالشاتاتقراءة القرانالطقسالبرامجالالعابدخول
هلا فيكم في منتديات ملك الاحساس
www.cabo2011.yoo7.com

شاطر | 
 

 وردات الجلاش من مطبخ شيكولاته بيضاء

اذهب الى الأسفل 
كاتب الموضوعرسالة
امير الدموع
:::المديرون:::
:::المديرون:::
avatar

عدد المساهمات : 108
السٌّمعَة : 0
تاريخ التسجيل : 16/10/2009

مُساهمةموضوع: وردات الجلاش من مطبخ شيكولاته بيضاء   الجمعة يناير 01, 2010 9:15 am

السلام عليكم ورحمة الله وبركاته

ازيكم يا احلى فتوكات واجمل بنات وستات فالدنيا ... يارب تكونوا بخير وفسعادة وبصحة وعافية
النهاردة عملت وردات الجلاش اللى بحبها جدااااااا والحمد لله كل اللى داقها عجبته طعما وشكلا كمان
بجد والله نتيجتها ممتازة ما شاء الله وتشرف لو عندك عزومة او حفلة او جاى لك ضيوف
دى صورة وردات الجلاش علشان افتح نفسكم الاول وبعدين ندخل على الخطوات باذن الله

[ندعوك للتسجيل في المنتدى أو التعريف بنفسك لمعاينة هذا الرابط]

الحاجات اللى محتاجينها الاول هيا :

جلاش ... بالكمية اللى تناسبك
سودانى مفروم ناعم ... او اى مكسرات تحبيها
سمن سايحة ... او زبدة سايحة
شربات او قطر

*******************************

ندخل بقى على الخطوات ( ادخلوا برجليكم اليمين ) ونقول بسم الله
انا بعتذر لكم انى ما قدرتش اصور الجلاش نفسه وانا بعمله لان ايدى كانت متلحوسه على الاخر بالسمنة
ده غير انى كنت بعمل تورتة كمان فنفس الوقت فالدنيا كانت حوسة على الاخر[ندعوك للتسجيل في المنتدى أو التعريف بنفسك لمعاينة هذه الصورة]
فبعد ما خلصت ونظفنا المسائل صورت لكم الخطوات على ورقة عادية علشان الشرح يكون واضح
والخطوات على العموم سهله جدا ومش بتاخد وقت ابدا

يلا بينا ( بسم الله )
نفرد الجلاش وياريت لو كان صابح
ولو كان محطوط فى الفريزر يبقى نطلعه قبل ما نبدأ فى الشغل بفترة كفاية بحيث انه يكون فك خالص وبقى طرى
هناخد واحدة جلاشاية بس فى كل مرة ان شاء الله ( علشان كده ما شاء الله بيدى كمية كبيرة )
ولما ناخد الجلاشاية نغطى اخواتها بقماشة نظيفة كويس على طول علشان الباقى ما ينشفش مننا لو اتعرض للهواء
نبدا ندهن الجلاشاية بتاعتنا بالسمنة السايحة او الزبدة بس المهم انه يكون دهن خفييييييييف جدااااااااااا

[ندعوك للتسجيل في المنتدى أو التعريف بنفسك لمعاينة هذا الرابط]

هنا هنبدأ نفرد شوية سودانى او المكسرات المفرومة ناعم على طرف الجلاشاية

[ندعوك للتسجيل في المنتدى أو التعريف بنفسك لمعاينة هذا الرابط]

هنا نلف الجلاشاية بايدينا الاتنين علشان نعرف نتحكم فيها وتبقى مظبوطة من الناحيتين وما تتقطعش مننا
الجلاش اصلا بيتحايل على نفسه علشان يتقطع ... فناخد بالنا ونلف بشويييييييش
خدوا بالكم تكونوا مبحبحين ايديكم شوية ... يعنى ما نبرمش الجلاش جامد وياريت نسيب جوا شوية فراغ

[ندعوك للتسجيل في المنتدى أو التعريف بنفسك لمعاينة هذا الرابط]

مش هنلف الجلاشاية للاخر ... لا ... هنسيب فيها حوالى 3 سم فى الاخر من غير لف علشان ده هيبقى ورق الوردة
بعد ما بقى عندنا الجلاشاية عاملة زى الماسورة المحشية بالمكسرات نلفها على شكل حلزون
بس ناخد بالنا من اننا نسيب ال3 سم اللى كنا سايبينهم من الاول خارج الورده وبشكل عشوائى كانها ورقات الوردة
يا سلاااااااااااااااام على الفن [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

بعد كده ناخد وردتنا الحلوة ونحطها فصينية مدهونة بالسمن ونحط الوردة جنب الوردة
وندهن اطراف ورقات الورد بشوية سمن خفيف علشان تبقى لونها دهبى لما ندخلها الفرن
ولما نملأ الصينية كلها بالوردات ونعمل جنينة حلوة ندخلها الفرن وناخد بالنا انها مش بتاخد وقت فى الفرن
بالكثير 10 دقايق على الرف الوسطانى وفحرارة متوسطة ونفتح عليها الفرن عادى طبعا فى اى وقت
اول ما نلاحظ ان ورقات الورد بتاعنا بقى لونها دهبى نخرجها على طول ونكون مجهزين عندنا الشربات او القطر
ناخد بالنا ان الشربات لازم يكون بااااااااااااااااااااااارد ولسة خارج من التلاجة حالاااااااااااااااا
يعنى الجلاش سخن جدااااااا والشربات بارد جداااااااااا ولما نصبه على ورداتنا يعمل لنا تششششششششش
نشيل ورداتنا من الشربات ونرصها فطبق تقديم وبالهنا والشفا يا اجمل فتوكات

[ندعوك للتسجيل في المنتدى أو التعريف بنفسك لمعاينة هذا الرابط]

لا تنسونا من دعواتكم
اختكم فى الله
شيكولاته بيضاء
الرجوع الى أعلى الصفحة اذهب الى الأسفل
همس الرحيل
:::المديرون:::
:::المديرون:::
avatar

ذكر الثور الثعبان
عدد المساهمات : 474
السٌّمعَة : 5
تاريخ التسجيل : 07/10/2009
العمر : 29
العمل/الترفيه : طالب

الورقة الشخصية
الالعاب: 5
افلام: 1
اصدقاء: 2

مُساهمةموضوع: رد: وردات الجلاش من مطبخ شيكولاته بيضاء   الجمعة يناير 01, 2010 1:20 pm

بارك الله فيك


[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
 
وردات الجلاش من مطبخ شيكولاته بيضاء
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ملك الاحساس :: المطبخ-
انتقل الى: